سبحان الله ما أشبه الليلة بالبارحة

سبحان الله .. ما أشبه الليلة بالبارحة.

كتب : محمد مصطفى
التتار زمان من ٨٠٠ سنة تقريبا فكروا يجتاحوا العالم أجمع،
وبدأوها بالصين وكانت حضارة كبرى واجتاحوها،
وبعد كدة دخلوا على بلاد فارس اللى هى إيران دلوقتى وبرضوا كانت حضارة عظمى واجتاحوها،

ودخلوا بعدها على بلاد العراق وقضوا على الخلافة العباسية واحرقوا بغداد كعبة العلم وارتكبوا فيها أبشع الجرائم، وبرضو كانت من كبرى الحضارات،
ثم دخلوا دمشق وبلاد الشام اللى هى سوريا ولبنان والأردن وفلسطين حاليا، وبرضو كانت بلاد صاحبة حضارة قديمة واجتاحوها.

لو تلاحظوا إن التتار كان عندهم مشكلة وحقد دفين ضد أى حضارة ولذلك اجتاحوا كل بلد ذات تاريخ عريق وحضارة ونجحوا فى القضاء عليها بالفعل بسبب التفكك والصراع على الكرسى والحكم وانتشار خونة الأوطان.
ومكنش فاضل قدامهم غير مصر، الجائزة الكبرى بالنسبالهم والحضارة الأعظم فى التاريخ،
وجهزوا جيوشهم الجرارة وبعتوا رسلهم تهدد وتتوعد وحصل اللى حصل وطلع جيشنا العظيم بقيادة الملك المظفر قطز وسحقهم فى موقعة عين جالوت وسففهم الرمل وقضى عليهم ومحاهم من الوجود وخلاهم عبرة لمن يعتبر.

خلى بالك .. زمان برضو كان فيه ناس مرجفين وخونة اوطان حاقدين زى الخرفان المتأسلمين المفسدين وغيرهم،
كانوا بيقولوا نفس الجملة: “الدور على مصر..!”

بس أحب اطمنكم فى كلمتين من خلال قراءتى العميقة لكتب التاريخ والتبحر فى أحداثه:
“مصر هى أول أرض أشرقت عليه الشمس، وهى آخر أرض هتغرب عنها الشمس، حين يرث الله الأرض وما عليها”

حفظ الله مصر 🇪🇬 جيشا وشعبا وزعيما
وحفظ كل بلاد العالم المحبة لمصر ام الدنيا