ماذا يحدث للجسم عندما أمنع الكربوهيدرات بيساعد علي نزول الوزن بسرعه

✍️ نيفين الناغي

ماذا يحدث للجسم عندما أمنع الكربوهيدرات بيساعد علي نزول الوزن بسرعه
وهوضح كيف يحصل ذلك

عند تناول كارب تلقائي بيتحول لحاجتين وهما

1- جلوكوز وهو المصدر الرئيسي للطاقة في جسمك ويساعدك في نشاطك اليومي

2- عند حصول الجسم علي احتياجه من الطاقه الجلوكوز ده بيترابط على شكل سلسلة من 8 ل 12وحدة من الجلوكوز ويكونوا جزئ جلايكوجين وده بيتم تخزينه في العضلات والكبد والخلايا الدهنيه يشكل الجلايكوجين حوالي 6% من وزن الكبد وفي العضلا من 1 ل 2% وده السبب اللي بيخليه يخلص بسرعه وقت التمرين فبتحتاج راحه بين المجموعات عشان تقدر تكمل وبتختلف نسب التخزين دي من شخص لشخص بحسب مستوى نشاطه واكله وأسلوب حياته وعدد ساعات شغله ومجهوده ف التمرين لو بيمارس رياضه

جلايكوجين العضلات بيتم استخدامه في المقام الاول بواسطة العضلات نفسها جلاكوجين الكبد بيتوزع على الدماغ والحبل الشوكي والجسم عموما

يوجد حوالي 4جم جلوكوز في الدم ولما يبدأ المستوى في الانخفاض بينخفض معاه هرمون الانسولين في الجسم وده بينتج عنه ان يبدأ إنزيم يسمى فوسفوريلاز الجليكوجين في تحطيم الجلايكوجين لتزويد الجسم بالجلوكوز. خلال ال8 إلى الـ12 ساعة القادمة بعد ماتحصل العملية دي يصبح الجلوكوز المشتق من جلايكوجين الكبد مصدر الطاقة الأساسي للجسم وهو بيساعد علي كفاءة الجسم في نشاطك اليومي

الدماغ بيستهلك أكثر من نصف جلوكوز الدم في الجسم خلال فترات عدم النشاط. على مدار يوم متوسط يمثل احتياج دماغك للجلوكوز حوالي 20% من احتياجات جسمك من الطاقة لعدم الشعور بالدوخه

مقدار النشاط والاكل اللي بتتناوله من الكربوهيدرات بيأثر على انتاج الجلايكوجين وهتحس بأعراضه لو بدأت تعمل دايت low carb هتشعر اعراض زي الصداع والتعب وسوء المزاج وبمجرد ماتظبط اكل الكارب الاعراض دي كلها هتزول

بمنع الكارب هتفقد وزن بسرعة جدا وبعد فترة هيزيد تاني أو هيتوقف عن النزول وهنا بتحصل مشكلة ثبات الوزن او زيادته بعد فترة

في الاساس المشلكة دي بترجع جزئيًا إلى تكوين الجلايكوجين وهو الماء في المقام الأول يمثل الماء الموجود في هذه الجزيئات ثلاثة إلى أربعة أضعاف وزن الجلوكوز نفسه

منع تناول اكلات فيها كارب النزول السريع في الوزن بيكون ناتج من نزول الماء في الجسم وبما أن الجسم ذكي بيأقلم نفسه ويرجع يجدد الجلاكوجين تاني ويرجع وزن الماء يزيد تاني فبينتج عنه أما ثبات الوزن أو زيادة الوزن

ف خسارة أو نزول الوزن السريع في الأول ناتج من خسارة أو نزول الماء ، وليس الدهون ، وده شئ مؤقت فقط

لكن الهدف من أي نظام دايت هو خسارة الدهون من الجسم وليس الماء فلما تعمل دايت حدد هدفك عشان يكون نظام دايت صحيح وصحي بدون أي مضاعفات