مصر تتحدث

✍️امال سالم

مصر تتحدث
ولدي عليك
تحيتي وسلامي
ولدي ليك
حبي واهتمامي
اشكي ليا وفضفض
لقلبي اللي ضمك
ياولدي ليه الغضب
ياما بأزمات عدينا
وبنحقق مع بعض أمانيننا
ده انا اسمي وجنودي
ذكرهم القرأن ورسولي
اسم الله عليك يابطل
طول عمرك
خير الأجناد
رافع راسي
وبتكون ليا الوتد
وبسمع أغانيك وأهاتك
أقسمت باللي خلقك
ماتكون في يوم مكسور
امسح دمعتك ياضنايا
وأفتكر امجادي
ورد لما يقولوا
رايحه بينا علي
فين يابلادي
قول لهم اني ماشيه
علي خطي أجدادي
انا أم الحضاره
وكنت دايما مناره
اسمي محفور
في الصخور
انا خايفه عليك وبأمنك
وبكل جهدي بطمنك
طب هات ايديك
في أيدي
وأمسك قوي
في جلبابي
هنصلح اللي اتكسر
ورايتنا توصل للقمر
أطلبني هتلاقيني
نبضي سكنك
وفي عروقي
دنا فيا العالم والطبيب
والعامل والأديب
ورجاله ذي النسور
تدمر كل الجسور
انا بلد الأمن والأمان
وكلمتي مسموعه
بين كل الأوطان