“عتاب ✍️ قلمي “

✍🏻 نادية منصور

طب ليه الهجر والنسيان ؟!

هو انا موصف لك في الاحزان ؟!

هجرتيني وتركتيني …..

وحشتييييني …..

ياما اشتقت لليالي زمان

تركتي كل اصحابك …واحبابك

وخدتيني في كل مكان

ودلوقتي ..وحيد .. حيران

قفلتي عليا كراسك

واوراقك… كحراسك

سجين و كتابك السجان

جمدي الحبر في عروقي

اشوف طيفك يزيد شوقي

للمسة حانية من ايدك

لافكارك …واحلامك …وتنهيدك

لقصة كسرت … قيدك

للوحة بتترسم بيا ..

لشعر ..كلمة …اغنية

لتمشية على المية

لذكرانا في كل مكان

في ليل صاحي و قمر سهران

وشمس بتصحى من بدري في يوم فرحان

رسمت انا بايدي خيوطها على الشطئان

صاحبت البحر علشانك

يا ما كتبنا هناك اسرار

في سفرك ويا ترحالك

انا سفينتك وانا البحار

نسيتي “نادرة” و”قصة وآية ”

“طيارة ورق ” ” اية وحكاية ”

نسيتي حكاياتك ويايا !؟

اوعديني افضل رفيقك

ولا تتكتب بيا النهاية …

ياااا قلم دا انت طلعت حكاية

كتبت الي بقولووو جوايا

اوعدك طول ما انت معايا

هتفضل رفيقي وبطل الحكاية